Mae prosiect Ynni Adnewyddadwy Cwm Arian wedi sefydlu archwiliad ynni cymunedol trwy Gyfrifiannell Cymunedau Gwyrdd (Green Communities Calculator) yr Ymddiriedolaeth Arbed Ynni.

Gall holl gartrefi’r gymuned ymuno â grŵp 'CwmArian' trwy gofrestru a gellan nhw lenwi archwiliad ynni cyflym a syml ar gyfer eu heiddo.

Bydd yr archwiliadau a lenwir yn rhoi syniad i ni o faint o ynni y mae’r adeiladau yn ein cymuned yn ei ddefnyddio ar hyn o bryd. Mae hefyd yn rhoi cynghorion defnyddiol i chi ar sut i ddefnyddio llai o ynni ac arbed arian!

I lenwi’r archwiliad eich hun, ewch i: Cymunedau Gwyrdd (Green Communities)

Cofrestrwch, yna ymunwch â grŵp 'CwmArian'.

Mae’n ddefnyddiol os oes gennych rai o’ch biliau cartref wrth law pan fyddwch yn llenwi’r ffurflen archwiliad.

Cysylltwch â ni os oes gennych unrhyw gwestiynau ynghylch yr archwiliadau ynni - rydym yn barod i’ch cynorthwyo i lenwi’r wybodaeth a rhoi cyngor ynglŷn ag arbed ynni yn y cartref.